- 18 -

1359 (8. lutego) Wrocław

Rajcy, ławnicy, starsi oraz wszyscy obywatele miasta Wrocław deklarują, że w przypadku śmierci cesarza Karola IV. Luksemburskiego bez potomka w linii męskiej, gotowi są uznać swym panem margrabiego Jana Henryka Luksemburskiego.

— Nos consules, scabini, seniores et tota civium universitas civitatis Wratislaviensis notum facimus tenore presencium universis, quod ad mandatum serenissimi ac invictissimi principis et domini, domini Karoli quarti, divina favente clemencia Romanorum imperatoris, semper Augusti et Boemie regis, domini nostri pertimendi, qui nobis hoc tanquam Boemie rex precepisse et iniunxisse dinoscitur, animo deliberato non per errorem aut improvide sed unanimi consensu nobis, quorum interfuerat, pluries ob hoc in consilio congregatis pro nobis, heredibus et successoribus nostris imperpetuum promisimus et bona fide sine dolo promittimus illustri principi, domino Johanni, marchioni Moravie, fratri germano et unico domini nostri predicti, quod in eum casum, ubi prefatum dominum nostrum, imperatorem et Boemie regem, non relictis legittimis masculini sexus heredibus seu heredum suorum proheredibus in linea masculina descendentibus ab eodem mori contingeret, ad prefatum dominum marchionem Moravie tamquam ad verum legittimum ordinarium hereditarium et naturalem dominum nostrum Boemie regem aut eo non existente ad filios suos seu filios filiorum ipsius per masculinam lineam legittime descendentes ab eo, ad eum videlicet, qui ex eisdem rex Boemie fuerit, tamquam ad verum legittimum ordinarium hereditarium et naturalem dominum nostrum Boemie regem et ad neminem alium fide, homagio, subieccione et obediencia volumus habere respectum et ei tamquam regi Boemie vero lettimo ordinario hereditario et naturali domino nostro velut regni et corone Boemie cives, subditi et fideles fidelitatis obediencie subieccionis et homagii prestare et facere debita et solita iuramenta, presencium sub appensione civitatis sigillo maioris testimonio literamm.
Datum Wratislavie anno domini MCCC quinquagesimo nono feria VI proxima post diem sancte Dorothee virginis et martiris gloriose.

Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.